• Inicio
  • Noticias
  • Presentación de nuestro software para la gestión de establecimientos turísticos

Presentación de nuestro software para la gestión de establecimientos turísticos

Turismo de Galicia presenta en Vigo un software pionero en el Estado para mejorar la gestión de los pequeños establecimientos turísticos y para compartir datos estadísticos

A ferramenta, que consiste nunha aplicación de xestión de pequenos establecementos hoteleiros, foi deseñada polo Instituto de Estudos Turísticos de Galicia e é gratuíta. Esta mañá, a directora do IET Galicia, Rosanna López Salgueiro, presentou o software aos hostaleiros da provincia de Pontevedra en compañía da xerente da Federación Provincial de Empresarios de Hostelería de Pontevedra, Yolanda Gómez Ambrosio.

A ferramenta é compatible con outros sistemas, e algunhas entidades e organizacións turísticas xa amosaron a Turismo de Galicia o seu interese por coñecer a ferramenta e estudar unha posible cesión da mesma.

En Vigo hai 49 hoteis e 39 pensións, mentres que na totalidade da provincia de Pontevedra existen 402 establecementos hoteleiros e un total de 261 pensións, segundo o Rexistro de Empresas e Actividades Turísticas. No conxunto da comunidade autónoma, a cifra de hoteis é de 884 e a de pensións de 1.181. Co obxectivo de mellorar o sistema de xestión interna dos establecementos hostaleiros de toda Galicia, o Instituto de Estudos Turísticos de Galicia – IET de Galicia- vén de deseñar unha ferramenta pioneira de xestión de establecementos hostaleiros. Trátase dun software libre que permite unha xestión profesional e máis operativa aos responsables dos pequenos establecementos hoteleiros de Galicia que carezan de dispositivos e ferramentas tecnolóxicas axeitadas para realizar o seu traballo cotián como realizar reservas e facturas nunha base ordenada de clientes; procurar e modificar esas reservas ou facturas apropiadamente en función das características de cada pensión e de cada cuarto dispoñible; obter informes de xestión e plannings semanais e/ou mensuais de limpeza, de datos de ocupación; isto é, operacións do día a día que afectan á carga de traballo do empresario, xerente, recepcionista, persoal de limpeza, de todo o plantel.

A directora do Instituto de Estudos Turísticos de Galicia, Rosanna López Salgueiro, presentou hoxe en Vigo, no Centro de Formación de Hostelería de Pontevedra, esta ferramenta e destacou que “grazas a ela, os pequenos establecementos turísticos da provincia de Pontevedra poderán ser xestionados como as empresas fundamentais que constitúen para o entramado turístico da nosa comunidade”. Segundo dixo, neste proxecto únense dous obxectivos básicos que son a mellora da calidade e a competitividade do sector turístico e máis a mellora do sistema de información estatística que posúe o IET de Galicia.

Bonaval Multimedia
Bonaval Multimedia S.L.

Elduayen 16 Entresuelo B, Vigo 36202 (Pontevedra, Galicia, España)
Diseño y desarrollo:  Bonaval Multimedia SL   Copyright ©